تضامنا مع الحملة الوطنية الي مسويها بلوق عمتي ضد التحلطم وبما اني من مؤيدي هذي الحمله
ابي اتحلطم واطلع الي في قلبي قبل يوم (انجعم ) :
شصـــــــــــــاير بالدنيا ؟
افتح الجريده اشوف صور رياييل اكبر من ابوي وكل واحد لترين دموع في عيونه بسبب البورصه
اروح البنك الساعه10 ونص و البنك فاتح 10 ورقمي 80 و بعد الاستفسار طلعوا الناس تنطر من الساعه 10 الا ربع عند الباب عشان الاكتتاب وانا واقفه على حيلي وانطر دوري
اروح السوق افتر افتر افتر ساعه عشان احصل موقف باخرالدنيا ولما ادخل المحل غرفه القياس Full
بروح اترس السياره بانزين وجدامي 5 سيارات .. شمعنه يوم انا رحت كلهم راحواااا وينكم من قبل حبكت اليوم
اروح مركز سلطان سلوى الساعه 9 الصبح ماكو موقف ليش ؟ ولما حصلت موقف ماحصلت سله حق الاغراض شريت مجله ليالينا حق التطمش وطلعت
ادخل سايت الجامعه ابي اسجل على الاقل ماده وحده والشعب كلها مغلقه
قلت خلاص ماكو الا التلفزيون عشان استانس شوي :
الدايه : حياه الفهد ليش كله مطروده وتبجي وقلبها طيب وتكسر الخاطر يعني ماكو انسان بهالسذاجه وقمت ابجي
فضه قلبها ابيض : الاسم بروح يسبب حساسيه انت شرير وانت شرير وشفتها وهم بجيت
عيون الحب : هم هدى حسين مظلومه وهم يوم تابعتها قمت ابجي كل يوم
المزاد : استغفر الله بركات الوقيان الله رازقه بملاقه وثقل دم بتقديم المسابقات بشكل مو طبيعي غصب طيب انا جورج قرداحي يبااا يا ولد دويح ( معلومه من فريج سعود ) خلك على في ضيافتكم ابرك
حليمه ولويس : امممم اخلي التعليق لكم واااااي في جمهور استحي
وبنهايه التفرفر والتحلطم حصلت وحده تضحكني وماتوقعت منها الصراحه ( امل العوضي بجد ولعب ) عشان اعوض الجفاف الي صار في عيوني عقب البجي مع المسلسلات
وانا ادعو وزير التجاره احمد باقر انه يوزع علب كلينكس التعاون السنه اليايه بدال الشعريه الي امي ذبحتها فيها كل يوم شوربه شعريه على اساس انه بلاش وتبي تفتك منه عشان لما نبجي مع المسلسلات الرمضانيه
بس انا الحين تحلطمت وطلعت الي بقلبي عشان اتضامن مع بلوق عمتي
وننطر يوم ( انجعم ) الوطني
14 التعليقات:
أنتي بعطيج لقب أكسترا تحلطم !!
ما أبي أشوف هالبوست يوم 22 :P
لا خلاص انا اديت القسم بهاليوم ماراح اتحلطم
لووووول
حملة عجيبة وتحلطم أعجب!!!!
متأكدة هالتحلطم راح يكفيج لين 23 الشهر؟؟
شوفي أخاف ناسية شي مني ولا مني ترى تقعد تحوس بقلبج وعقبها تكتبين لج بوستين تحلطم على بوست آلام الكبت!!!
Pp:
:)
Murphy's Laws
.
.
تبرر لكل إنسان أن ( ينجعم ) عن التحلطم لأنها تبين نتيجة كل فعل قبل أن يحدث ..
.
.
من قوانين مورفي ـ تعليقلا على تحلطم بالترتيب :
1 * السيء يصبح أسوأ....لذا فليس هناك "سيء جدا".
2 * إذا وصلت إلى المحطة باكرا تأخر القطار ، وإذا كنت مستعجلا فاتك القطار
3 * سوف تحصل على الفرصة ،، ولكن .... في الوقت الخطأ
4 * عندما تذكر شيئا ما، إذا كان جيدا فسوف يختفي ، وإذا كان سيئا فسوف يحدث
5 * يحصل المرء في الأغلب على أقل ما يرغب به .
6 * إذا كان هناك امكانية و لو قليلة لشيء أن يتعطل .. فسوف يتعطل !
7 * على الناس الذين يحبون النقانق ويحترمون القانون أن لايروا مطلقا كيف يتم صنع الاثنين ،، و أضيف على هذا القانون ( المسلسلات الكويتية ) !
.
.
بالنهاية ليس هناك أفضل من قانون مورفي الذهبي : ابتسم الآن ... فغداً سوف يكون أسوأ
:)
yin اهوا انا طلعت الي بقلبي في الفتره الحاليه لكن احتمال الاضافه وارد والله يصبرني
سفيد : ومنكم نستفيد ومعلومتك دونتها in my note
@@ Makintosh
حتى أنتِ يا ماكنتوش!!
تكفا بس ترى اقتل عمري :(
ضاد : خلاص خلاص بسكت
بس راح ارد شهر 10 لزوم الدوامات بالكليه
وانا بعد وياكم
ZooZ حياج
ونورتي المدونه
now i am sure ena jnsetich Q8tia aula 3la hal t7al6em :P
sorry
حق كل اللي ادعموا هالحمله ما اقدر ما اتحلطم !
Beautiful!!!
Congratulations!!!
عيدج مبارك
:)
ايامج سعيده
مشكوره ماقصرتي
إرسال تعليق