عـــــدنا

مرحبا ... مرحبتين
اشتقت لكم ... تشتاق لي العافيه
------
اول شي الصراحه بتحلطم .. امس صارت فيني حاله مرضيه تلوع الجبد
وماكو شي غير اني ابجي لانه بروحي كنت بالبيت والوالده مسافره ويت اختي ودتني مستشفى الهادي الي كلش مو هادي
وانا ناطره دوري بقوم تكرمون اروح الحمام لانه جبدي تلوع وانتوا فهموا الباجي من الدوخه دعمت العمود الي جدامي وطحت غشيانه وطلعت الي بجبدي .
المهم بس بقولكم انه بالكويت ماكو فرق بين خاص وحكومه الاثنين دون المستوى
دخلت اختي على الدكتور وقالت له اني مغمي علي ودخلت الغرفه وقعد الدكتور يزفنا
دكتور : هواا اي ده كل مريض بشوف حالتوا انها المستعصيه ومحدش بالدنيا دي مهم غيروا .. فيني الي مغمي عليها .. اهي زي الفل اودامي
انا واختي ولا كلمه من الخرعه
ولا ما رضى يكتب لي مرضيه الا لما سويت تحليل دم وشاف النتيجه مادري الظاهر حسباله اجذب

يعني نروح الحكومه ننطر دور ساعتين واخر شي بندول
نروح الخاص ندفع فلوس عشان ننزف ونطلع
--------------------------------------
نفس اليوم بالليل كنا بنزور .. على الاشاره الي يكون يميني سلوى ويساري بيان
الاشاره حمراء واحنا اول سياره و وقف ورانا جيب ابيض (باترول )
وله ينزل صبي بو 6 سنين والثاني اكبر يمكن 13 سنه ( حسب تخميناتي للاشكال )
وقف ورا النخله وقضى حاجته

المنظر كان غير حضاري باقصى درجه وين قاعدين ؟ للحين في ناس جذي ؟
وبعدين النخله شنو ذنبها ؟؟؟
------------------------------------
الحين انا بعرف المؤلف شلون يطاوعه ضميره يكتب اسمه على فلم اهوا مو كاتب قصته ولا يعرف يكتب حتى
يشوف له فلم اجنبي وهااااات بوق بالافكار والقصص والديكورات وتعال طبقه ورز اسمك باول الفلم
انا بس بذكر 3 امثله غير الافلام الباجيه الي الله يعلم
ماتجي نرقص = Shall we dance
الدادا دودي = cheaper by dozen
حبيبي نائما = shallow hal
مي عز الدين بهالفلم مبدعه حتى نفس قصه ولون الشعر انزين غيروا شوي مو جذي كلش ماكو ابداع

جملة طالعه من القلب :
الناس اجنــــــاس وعشان نمشي بحياتنا مضطرين انه نتحملهم